Falcon 9 зымыран тасығышы Starlink жүйесінің ғаламдық интернет қамту желісінің орбиталық шоқжұлдызын толықтыру үшін 22 шағын жерсеріктің кезекті партиясын орбитаға шығарды, деп хабарлады SpaceX әзірлеуші компаниясы.

«Starlink спутниктерінің ұшырылғаны расталды» делінген хабарламада.

Зымыран Калифорниядағы Ванденберг ғарыш күштері базасындағы SLC-4E ұшыру алаңынан жұма күні АҚШ Тынық мұхиты уақытымен 16:34-те (сенбі күні 06:34-те) ұшырылды. Шамамен бір сағаттан кейін спутниктер орбитаға шығарылды.

SpaceX қазірдің өзінде орбитаға 5,8 мыңнан астам осындай спутниктерді шығарды. Олардың кейбіреулері сәтсіздікке ұшырады немесе орбитадан шығып кетті. Дегенмен орбитадаы 5,4 мыңнан астам құрылғы жұмыс жағдайында.

Ұшыру аясында 14-ші рет пайдаланылған зымыран тасығыштың бірінші қайта пайдалануға болатын кезеңі бөлінгеннен кейін Тынық мұхитында орналасқан «Of Course I Still Love You» теңіздегі дрон платформасына тік қонды.

SpaceX - әлемдегі ең ірі спутниктік оператор. Starlink интернет желісі Солтүстік және Оңтүстік Америка, Еуропа, Азия, Африка және Австралияны қоса алғанда, 70 елдегі пайдаланушыларға қолжетімді. Пентагон мәліметінше, бұл жерсеріктердің қызметтерін америкалық әскерилер де белсенді пайдаланады.