SpaceX компаниясы ұшу сәтін тікелей эфирде көрсетіп жатыр.

Dragon has separated from Falcon 9’s second stage pic.twitter.com/pOfgJ9LsvE

— SpaceX (@SpaceX) September 16, 2021

Канавералдағы ғарыш айлағынан зымыран ұшыруға нұсқау сәрсенбіде АҚШ-тың шығыс жағалауы уақытымен 20.03-те (Нұр-Сұлтан уақытымен 06.03-те) берілді.

Тарихта алғаш рет орбитаға ғарышкерлер емес, туристерден жиналған экипаж жіберілді. Кемеде төрт адам бар - экипаж командирі және ұшуға демеушілік көрсеткен бизнесмен Джаред Исаакман, зерттеуші Сиан Проктор, дәрігер Хейли Арсенокс және АҚШ әскери-әуе күштерінің ардагері Кристофер Семброски.

Crew send off before they make their way to Launch Complex 39A pic.twitter.com/pa5pXaAdNm

— SpaceX (@SpaceX) September 15, 2021

Кеме Жерге жақын орбитада үш күн өткізеді деп жоспарланып отыр, кейін Жерге оралады. Ұшу барысында кәсіби емес ғарышкерлер ғылыми тәжірибелер жүргізеді деп жоспарланған.

Inspiration 4 деп аталатын бұл миссия балалардың онкологиялық ауруларын емдейтін St. Jude Children's Research Hospital ауруханасына қаржы жинауға бағытталған. Экипаж мүшелерінің бірі, 29 жастағы Арсеноксқа 10 жасында сол аяқтың остеосаркомасы диагнозы қойылған. Арсенокс 12 химиотерапия алған және тізе мен жамбас бөлігін алып тастау үшін бірнеше ота жасатқан. Бүгінгі таңда Арсенокс ғарышта болған ең жас америкалық атанды, оның орны "Үміт" деп аталады. Кемедегі қалған орындардың атауы - "Көшбасшылық", "Жомарттық" және "Өркендеу".

Бұған дейін біз америкалық Orbite компаниясы аэронавтика мен бес жұлдызды қызмет көрсетуді біріктіріп, АҚШ-та алғашғы ғарыш лагерін ашуға шешім шығарғанын жазған болатынбыз.