Байқоңырдан зымыран ұшты (видео)
"Байқоңыр" ғарыш айлағынан британиялық 34 OneWeb байланыс жерсерігі бар, Fregat үдемелі блогымен жабдықталған "Союз-2.1б" зымыран-тасымалдағышы ұшырылды, деп хабарлайды Express Qazaqstan.Зымыранның ұшырылу сәті YouTube әлеуметтік желісіндегі "Роскосмос" арнасында тікелей эфирде көрсетілді, деп жазады РИА Новости агенттігі.
Ұшу Мәскеу уақытымен 21:07-де жүзеге асты. Мәскеу уақытымен 21:16-да суборбитальды траектория бойынша "Фрегат" үдемелі блогы "Союздың" үшінші сатысынан бөлініп, спутниктерді орбитаға шығарды.
Аталмыш зымыран-тасығыш әлі 10 жылдай қызмет атқарады, сосын оның орнын басқа құрылғы ауыстыратын болады. 2021 жылға барлығы 29 зымыран ұшыру жоспарланып отыр, — деді "Роскосмостың" бас директоры Дмитрий Рогозин.
Бұл биылғы жылы ресейлік ғарыштық зымырандардың 15-ші мәрте ұшырылуы.
Британдық OneWeb компаниясы өз жоспарында әлемнің кез келген түкпіріне жоғары жылдамдықты интернет жеткізуді жоспарлап отыр.
OneWeb барлық жерсеріктерін "Союз" зымыранымен ашық кеңістікке шығаратын болады. Бұл үшін ол ресейлік "Роскосмоспен" келісімшарты бар француздың Arianespace операторымен келісімге келген.
