Бірнеше күннен бері аймақ басшысы Нұрлыбек Нәлібаевтың тапсырмасына сәйкес облысымыздағы барлық білім ошақтарының асханаларына зерделеу жұмыстары жүргізілуде.

Осыған орай бүгін аудандық мәслихат төрағасы Ғазиз Әліш, мәслихат депутаттары Нұрғиса Жалғасбаев, Күншығар Әбілов және аудандық санитарлық - эпидемиялогиялық бақылау басқармасының мамандарымен бірге Өркендеу, Бірлік, Аранды ауылдық округтеріне барып, аталмыш округтерде орналасқан мектептердің асханаларына мониторинг жұмыстарын жүргізді.

Аудандық мәслихат төрағасы асханалардың санитарлық тазалығы, қоймадағы азық - түліктердің жарамдылық мерзімі және ас мәзіріне сәйкес дайындалған тағамның мөлшері мен сапасына, ыдыстарының жеткілікті болуына және асхана қызметкерлерінің медициналық тексеруден уақтылы өтуі, жеке бас тазалығын баса назар аударып, тұрақты бақылауда ұстауды тапсырды.

Айта кетейік білім ошақтарының асханаларына жасалып жатқан зерделеу жұмыстары дәл қазіргі уақытта басқа да округтерде жалғасуда.

#Қазалы