Мектеп асханаларына зерделеу жұмыстары жүргізілуде
Қазіргі таңда еліміздегі барлық білім ошақтарында бастауыш сынып оқушылары ыстық тамақпен қамтылған. Балаларға берілетін тамақтың сапасы ең басты назарда болуы тиіс.Осыған орай облыс әкімі Нұрлыбек Нәлібаевтың тапсырмасына сәйкес аудан әкімінің кеңесшісі Бақытжан Жарылқап бастаған құрам аудан орталығы мен Қазалы қаласындағы және ауылдық округтерде орналасқан мектептердің асханаларына зерделеу жұмыстарын жүргізді.
Топ мүшелері мектеп асханасын аралау барысында балаларға әзірленген тамақтың сапасына, күнделікті ас мәзіріне, азық-түлік сертификаттының болуына, асхананың санитарлық жағдайына көңіл бөлді.
Бақылау барысында анықталған кемшіліктерді жедел жоюға қатаң тапсырмалар берілді. Аталған шара алдағы уақытта да жалғасын табатын болады.
"ҚАЗАЛЫ" ақпарат
