Мәжілістің 69 депутаты жаңа премьердің кандидатурасын қолдады
Мәжіліс депутаттары Үкімет басшысының лауазымына Олжас Бектеновтың кандидатурасына қатысты дауыс берді, деп хабарлады BAQ.KZ.Мемлекет басшысы Қасым-Жомарт Тоқаев та AMANAT партиясы ұсынған кандидатураны қолдаған болатын.
Мәжілістің 69 депутаты Олжас Бектеновтың кандидатурасына дауыс беріп, 7 депутат дауыс беруден бас тартты.
Олжас Бектенов депутаттарға оның кандидатурасын қолдағаны үшін алғыс айтты.
Айта кетейік, Президент Қасым-Жомарт Тоқаевқа Парламент Мәжілісінің және AMANAT партиясының төрағасы Ерлан Қошанов AMANAT партиясының атынан Премьер-министр қызметіне Олжас Бектеновтің кандидатурасын ұсынған болатын.
.jpg)
