Жылжымайтын жер кезегі, сандалған жұрт. Мәселе қашан шешіледі?
Аудан әкімі Мұхтар Оразбаев кезектілікке сәйкес жеке қабылдау өткізіп, тұрғындардың талап-тілектеріне құлақ түрді, деп хабарлайды Қазалы ауданы әкімінің баспасөз қызметі.Аудан басшысына өздерінің өтініштерін жеткізгендердің басым бөлігі тұрақты жұмысқа орналастыруды сұрады.
Қазір халық саны көбейіп, жер кезегіне тұрғандар басы жиырма жыл, кейінгілері он-он бес жылдап жер алуға зар екендіктерін жеткізді.
Сонымен қатар кәсіпкерлік мақсатта жер алу, жарықшамдар орнату секілді мәселелерін де ортаға салды.
Мұхтар Әуесұлы келушілерді мұқият тыңдап, олардың сауалын жауапты мамандар жан-жақты зерттейтінін айтты. Кез келген мәселе заңдылығына қарай шешімін табады. Ол үшін аудан басшысы жауапты сала басшыларына міндеттер жүктеді.
"ҚАЗАЛЫ" ақпарат
