Жаңадан жасақталған Туризм және спорт министрлігінің құрылымы қандай болады
Жаңадан құрылатын Туризм және спорт министрлігінің қызмет бағыты мен ережелерін бекітуді көздейтін Үкімет қаулысы ашық талқыға шығарылды, деп хабарлайды inform.kz«Қазақстан Республикасының Туризм және спорт министрлігі дене шынықтыру және спорт, ойын бизнесі, лотереялар және лотерея қызметі, туристік қызмет салаларындағы басшылықты жүзеге асыратын Қазақстан Республикасының мемлекеттік органы саналады», - делінген Үкімет қаулысында.
Құжатта көрсетілгендей, министрліктің құрамына мына ведомстволар енеді:
1. Спорт және дене шынықтыру істері комитеті;
2. Туризм индустриясы комитеті.
Сонымен қатар Туризм және спорт министрлігінің қызмет бағыттары айқындалған:
- дене шынықтыру және спорт;
- ойын бизнесі;
- лотереялар және лотерея қызметі;
- туристік қызмет, туризм және туристік индустрия.
Министрліктің және оған бағынысты ведомстволардың қарамағына мына ұйымдар кіреді:
- Республикалық спорт колледжі;
- Ұлттық спорттық медицина және оңалту орталығы;
- Спортты дамыту дирекциясы;
- Спортшылардың допингке қарсы зертханасы;
- Қысқы спорт түрлері бойынша олимпиадалық даярлау орталығы;
- Дене шынықтыру және спорт бойынша республикалық оқу-әдістемелік және талдау орталығы;
- Ұлттық және ат спорты түрлері орталығы;
- «Алматы» Олимпиадалық даярлау орталығы;
- «Астана» олимпиадалық даярлау орталығы;
- «Алатау» қысқы спорт түрлері бойынша республикалық жоғары спорт шеберлігі мектебі;
- Дене мүмкіндіктері шектеулі тұлғаларға арналған спорттық даярлау орталығы;
- Допингке қарсы ұлттық орталық;
- «Олимп» спорттық-сауықтыру орталығы;
- «Қазспортинвест» АҚ;
- Күрес түрлері бойынша олимпиадалық даярлау орталығы.
Үкімет қаулысының жобасы 18 қыркүйекке дейін көпшілік талқылауда болады. Кейін қол қою үшін Премьер-Министрге жолданады.
Еске салайық, 1 қыркүйекте Мемлекет басшысының Жарлығымен 5 жаңа министрлік құрылды.
