Дағыстанда жанармай құю станциясында жарылыс болып 12 адам көз жұмды

Оқиға Махачкала қаласында болған. Ал өрт аумағы 600 шаршы метрге жетіпті.

Дагестан басшысы Сергей Меликов тілшілерге жарылыстың жанармай құю станциясына қарсы бетте болғанын мәлімдеді. Қазіргі уақытта оның себебі мен салдары анықталып жатыр. Барлығы 8 цистернаның 2-і жарылып кеткен.

Ресми дерекке сүйенсек оқиға салдарынан 12 адам қаза тауып, тағы 66 адам зардап шеккен. Көз жұмғандардың ішінде 2 бала бар. Ал жарақат алған 10 адамның жағдайы ауыр.

Махачкаланың медицина мекемелері күшейтілген режимге ауыстырылды. Ресейдің денсаулық министрлігі Махачкала ауруханаларында төсек орын жеткілікті екенін айтты.