Сайлаушылар белсенділік танытуда
Кент тұрғындары таңертеңнен бастап Қазақстан Республикасы Парламенті Мәжілісі мен мәслихаттарының депутаттарын сайлауға қатысуда. Қаныш Сәтбаев атындағы орта мектепте орналасқан №61 сайлау учаскесінде бүгін сайлаушылардың өтіп жатқан науқанға деген жоғары қызығушылығы байқалады.
Тұрғындар таңертеңгі сағат 7-ден бастап дауыс беру үшін учаскеге келуде. Айта кететін жайт, 61 сайлау учаскесінде дауыс берушілерге арналған 4 кабина, бюллетень салатын арнайы үлкен жәшік және тасымалдауға арналған 2 кішігірім жәшік қарастырылған.
Сайлау учаскелері сағат 20:00-де жабылады. Осы уақытқа дейін әрбір азаматтың өз учаскесіне келіп, дауыс беруіне мүмкіндігі бар екендігін еске саламыз.
#сайлау
"ҚАЗАЛЫ" ақпарат