Сайлау учаскесінде көрме ұйымдастырылды

Аудандағы 61 сайлау учаскесінің жұмысы жақсы жүріп жатыр. Таңертеңнен бастап дауыс берушілердің легі азаяр емес.

Ал белгілі бір себептермен, денсаулығына байланысты учаскелерге келе алмайтындарға арнайы жәшік үйіне апарылады.

Айта кететін бір жайт, дауыс берушілердің рухын көтеріп, мерекелік көңіл күй сыйлау мақсатында қолөнер бұйымдарының көрмесі ұйымдастырылуда. Мұнда қолдан жасалған түрлі бұйымдар, гобелен, картиналар қойылған. Сайлау учаскесіне келгендер дауыс беріп қоймай, ұлттық құндылықтарымыздан көрініс беретін көрмені тамашалауға да мүмкіндік алды.

Сондай-ақ сайлау учаскелерінде келушілерге радио концерттік бағдарлама ұсынылуда.

Айта кетейік, 61 сайлау учаскесіне 2756 сайлаушы тіркелген. Үй жағдайына дауыс беруге әзірге 2 адам өтінім берген.

#Сайлау