Ұлттық банк базалық мөлшерлемені көтерді
Ұлттық банк базалық мөлшерлемені 16,75 пайызға дейін көтерді, - деп хабарлайды Tengrinews.kz тілшісі."Ұлттық банк базалық мөлшерлемені +/– 1 п.т. дәлізімен жылдық 16,75%-ға дейін көтеру туралы шешім қабылдады. Бұл шешім болжамдар мен нақты деректердің талдауына негізделді. Оған геосаяси жағдайдың белгісіздігі мен салдары, сондай-ақ әлемде азық-түліктің жоғары бағалары сақталып отырған сыртқы ортаның факторлары негіз болды", - делінген хабарламада.
Ұлттық банктің Ақша-несие саясаты комитетінің базалық мөлшерлеме бойынша кезекті жоспарлы шешімі 2023 жылғы 13 қаңтарда Астана уақытымен сағат 14:00-де жарияланады.
