Бүгін Қазақстанның басым аумағында жаңбырлы ауа райы сақталады

Жұма күні кей өңірде қар жауып, көктайғақ болады.Синоптиктер 21 қазанға арналған ауа райы болжамын жариялады, деп хабарлайды azattyq-ruhy.kz.
«Атлантикалық циклон ойпатының ықпалымен және атмосфералық фронталды бөліктердің өтуіне орай Қазақстанның басым бөлігінде жаңбыр, елдің шығысында қатты жауын-шашын (жаңбыр, қар) жауады, көктайғақ болады», - делінген «Қазгидромет» хабарламасында.
Тек еліміздің оңтүстік-шығысында жауын-шашынсыз ауа райы болуы мүмкін. Республика бойынша жел күшейеді, еліміздің батысында, солтүстік-батысында тұман түседі.
Астанада көшпелі бұлт шығады, түнде аздап жаңбыр жауады. Оңтүстік-батыстан 9-14 м/с жел соғады. Ауа температурасы түнде 4-6, күндіз +13+15 болады.
Алматыда көшпелі бұлт шығады, жауын-шашынсыз ауа райы болады. Жел жылдамдығы 2-7 м/с жетеді. Ауа температурасы түнде 1-3, күндіз +17+19 болады.
Шымкентте көшпелі бұлт шығады, жауын-шашынсыз ауа райы болады. Оңтүстік-шығыстан, оңтүстіктен 8-13 м/с жел соғады. Ауа температурасы түнде 3-5, күндіз +21+23 болады.