Қазалы Qazaly.kz ақпараттық агенттігі
» » Сайлауға бөлінген 20,5 млрд теңге жұмсала бастайды

Сайлауға бөлінген 20,5 млрд теңге жұмсала бастайды

Қаржы вице-министрі Ержан Біржанов 20 қарашада өтетін кезектен тыс президент сайлауына бөлінген 20,5 миллиард теңге қандай мақсаттарға жұмсалатынын айтты, деп хабарлайды Экспресс К.

Жалпы, сайлауды өткізуге 20,5 миллиард теңге көзделген. Бұл қаражат қазіргі уақытта бекітілді. Үкімет резервінен қаражат бөлініп жатыр,
— дейді Ержан Біржанов.
Оның айтуынша, жергілікті жерлерде сайлау учаскелері құрылады, сайлау учаскелерінің мүшелері жұмыс істейді. Сол себепті қаржының 80 пайыздан астамы, яғни 16,8 миллиард теңгесі жалақы төлеуге кетеді.
Жалақының мөлшері ең төменгі үш айлық көлемінен аз болмауы тиіс. Ол — 180 мың теңге. Яғни бөлінген қаражаттың басым бөлігі жалақыға жұмсалады,— дейді вице-министр.
Биыл кезектен тыс президент сайлауы 20 қарашада өтеді. 21 қыркүйекте мемлекет басшысы тиісті жарлыққа қол қойған болатын. Президентікке кандидаттар ұсыну 23 қыркүйекте басталды.
29 қыркүйек 2022 ж. 588 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031