Головкин қазақстандықтарға үн қатты
Қазақстандық боксшы Геннадий Головкин мексикалық Сауль Канело Альварестен жеңіліп қалды, - деп хабарлайды Tengrinews.kz тілшісі.Сауль Альвареске қарсы жекпе-жектен кейін Головкин Instagram-парақшасында видео жариялады.
"Маған қолдау білдірген барша қазақстандыққа, барша жерлесіме, бокс жанкүйерлеріне, жалпы Қазақстан тұрғындарына үн қатқым келеді. Жекпе-жектерімді көріп жүргендеріңіз үшін, қолдауларыңыз үшін рақмет. Бұл бәрімізді біріктіреді. Мұндай кезде барлық проблеманы ұмытамыз. Қолдауды сезіндім, сәл жетпей қалды. Менің қатем, мойындаймын. Мықтырақ болып ораламыз, бәрі жақсы болады", - деді Головкин.
Трилогия 18 қыркүйекте Лас-Вегаста өтіп, Альварес төрешілердің бірауыздан шешімімен жеңген болатын.
Одан кейін Сауль Канело Альварес Головкинге алғыс айтқан еді. Головкин де мексткалықтың командасын құттықтап, карьерасы туралы сұраққа жауап берген.
