Шәкендіктердің ұсыныс-пікірі тыңдалды
Қазалы ауданының әкімі Мұхтар Оразбаев Қарақұм беткейіне арнайы барып, Шәкен ауылының тұрғындарымен кездесті.Кездесу барысында Мұхтар Әуесұлы ауданда атқарылған жұмыстар мен алдағы жоспарлар жайында қысқаша айтып берді.
Сонымен қатар, аудандағы елді мекендерді көркейту, дамыту үшін халыққа барлық жағдай жасалатынын жеткізді.
Кездесуде тұрғындар өздерін толғандырған сауалдарын қойды. Шәкендіктер елді мекенге дейін жол салу, ауыз су мәселелерін айтса, Шилі елді мекенінің тұрғындары мектепке интернет орнату жөнінде ұсыныстарын жеткізді.
Кездесуде аудан әкімі Мұхтар Әуесұлы тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Айтылған ұсыныстарға байланысты жауапты сала жетекшілеріне бірқатар тапсырмалар жүктеді.
Кездесуге аудандық қоғамдық кеңестің төрағасы Талайлы Бөріқұлақов, «Amanat» партиясы аудандық филиалының атқарушы хатшысы 
Нұрғиса Жалғасбаев, аудандық мәслихат депутаты Райымбек Бөлебай және бірқатар дербес бөлім мен мекеме-кәсіпорын басшылары қатысты
Нұрғиса Жалғасбаев, аудандық мәслихат депутаты Райымбек Бөлебай және бірқатар дербес бөлім мен мекеме-кәсіпорын басшылары қатыстыМұнан соң аудан әкімі Мұхтар Оразбаев Шәкен ауылындағы N138 мектепке арнайы барып, жаңа оқу жылына дайындығымен танысты.
"ҚАЗАЛЫ" ақпарат
