Аудан әкімі Қарақұм беткейіндегі ауылдарды аралады
Қазалы ауданының әкімі Мұрат Ергешбаев Қарақұм беткейіндегі елді мекендерді аралап, тұрғындармен кездесті. Кездесу барысында атқарылған жұмыстар мен алдағы жоспарлар айтылды.Аудан басшысы алдымен Әйтеке би кентінен 100 шақырым қашықтықта орналасқан Шәкен ауылына барды. 800-ге жуық тұрғыны бар ауылда орта мектеп, ауылдық клуб, медпункт, сондай-ақ мешіт бар. Тұрғындардың дені мал шаруашылығымен айналысады.
Ауылдық клуб ғимаратында тұрғындармен кездескен аудан әкімі елді мекендерді көркейту, дамыту үшін халыққа барлық жағдай жасалатынын жеткізді.
Кездесуде шәкендіктер ауылдың тұрмыс-тіршілігімен танысуға келген аудан әкіміне өз ризашылықтарын білдіріп, өздерін толғандырған сауалдарын қойды.
Мұнан соң аудан әкімі Мұрат Ергешбаев Шилі және Тапа елді мекендеріне соғып, тұрғындармен кездесті.
"ҚАЗАЛЫ" ақпарат
