Artsport-та үйірмелер саны азаяды
Бұл туралы Орталық коммуникациялар қызметінде өткен брифингте ҚР Мәдениет және спорт министрі Дәурен Абаев мәлім етті, деп жазды inbusiness.kz.Artsport-та үйірмелер саны азаяды
Оның айтуынша, спорт түрлерінің саны 71 ден 30-ға дейін, шығармашылық үйірмелер 59-дан 30-ға дейін қысқартылады.
"Біз қайталанатын спорт түрлерін топтастырдық. Мысалы, қазір онда үстел теннисі, көзі нашар көретін балаларға арналған үстел теннисі, тірек-қимыл жүйесі зақымданған балаларға арналған үстел теннисі және бейімделген теннис түрлері бар. Бұл секциялардың барлығы өз жұмысын жалғастыра береді. Тек бір ортақ атауға біріктіріледі", – деп түсіндірді Дәурен Абаев арнайы брифингте.
Сонымен қатар министр толық алынып тасталатын спорт түрлері де барын жасырмады.
"Толық алып тастайтын спорт түрлері де бар. Оны өздеріңізге кейін хабарлаймыз", – деп қысқа қайырды ведомство басшысы.
