Бұл туралы Caravan.kz медиа порталы Sputnik.kz-қа сілтеме жасап хабарлайды. Парламент палаталарының бірлескен отырысында Годунова республикалық бюджетті қазіргідей бірден үш жылға емес, тек бір жылға жоспарлауды ұсынды. 

"Біздің ойымызша, бюджетті бір жылға жоспарлауға оралу мәселесін көтеретін кез келді. Бұл ретте шешімдердің сабақтастығын қамтамасыз етіп, бизнес пен инвесторларға қабылданған міндеттемелерді орындауға кепілдік беру қажет", - деді Годунова.

Ол әлемдегі экономикалық жағдай тұрақсыз, сол себепті бюджетті үш жылға егжей-тегжей сапалы жоспарлау мүмкін емес екенін айтты."Бәріне белгілі, үш жылдық бюджет жай ғана ресми рәсім болып қалды. Оны қалыптастыруға өте көп уақыт жұмсалады. Ал орындау барысында тек бірінші базалық жыл ғана нақтыланып, түзетіледі. Қалған жылдарға біз тіпті қарамаймыз да", - деді есеп комитетінің төрағасы.