"Қазгидромет" дүйсенбі күнге арналған ауа райы болжамын жариялады
Республиканың кей аймақтарында жел күшейіп, тұман түседі. Еліміздің батысында жаңбыр, қар жауып, көктайғақ болады, деп хабарлайды Экспресс К.
Қостанай облысының батысы мен солтүстігінде жел секундына 15-20 метрге күшейіп, бұрқасын соғады.
Шығыс Қазақстан облысының солтүстігінде тұман түсіп, облыс орталығында жел секундына 15-20 метрге дейін жетеді.
Батыс Қазақстан облысының солтүстігінде, оңтүстік-шығысында көктайғақ болады. Облыстың батысында, оңтүстігінде және орталығында — тұман түсіп, солтүстігі мен шығысында жел жылдамдығы секундына 15-20 метрге күшейеді.
Солтүстік Қазақстан облысының басым бөлігінде жел секундына 15-20 метрге жетіп, бұрқасын соғады.
Ақмола облысының солтүстік-шығысында жел секундына 15-20 метрге күшейеді. Күндіз өңірде бұрқасын соғады.
Атырау облысының батысында, солтүстігінде орталығында тұман түсіп, көктайғақ болуы ықтимал. Ақтөбе облысының солтүстігі мен батысында көктайғақ болады. Алматы облысының Жалаңашкөл ауданында жел секундына 18-23 метрге күшейеді.
Жамбыл облысының солтүстігінде және таулы өңірлерінде тұман түседі. Күндіз облыстың солтүстік-шығысында жел секундына 15-20 метрге күшейеді. Түркістан және Маңғыстау облыстарының солтүстігінде тұман түсуі ықтимал.
