5G байланысы іске қосылады
ҚР Цифрлық даму, инновациялар және аэроғарыш өнеркәсібі вице-министрі Асхат Оразбек Қазақстанда 5G желісі қашан енгізілетінін айтты. «5G технологиясын енгізу бойынша жұмыс жүргізілді және қазір тестілеу жүріп жатыр. Биылдың соңында республикалық маңыздағы қалаларда, яғни Нұр-Сұлтан, Алматы және Шымкент қалаларында іске қосылады деп жоспарланған», – деді А. Оразбек Мәжілісте тілшілер сауалына жауап бере отырып.Сонымен қатар ол 5G желісі 2023-2024 жылдары облыс орталықтарында іске қосылатынын айтты. Ал ауылдарға 5G тартылмайды. Айта кетейік, бүгін Мәжілісте «ҚР Әкімшілік құқық бұзушылық туралы кодексіне байланыс мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды.
«ҚАЗАЛЫ» ақпарат
