Аудан басшысы кент, қала және ауылдық округ әкімдерін қабылдады

Қазалы ауданының әкімі Мұхтар Оразбаев ауылдық округ әкімдерін қабылдап, 2021 жылы атқарылған жұмыстары мен алдағы жоспарларын тыңдады.

Күн тәртібінде көлік салығының берешектері, шағын және орта кәсіпкерліктің негізгі көрсеткіштері және жұмыспен қамтудың макроэкономикалық көрсеткіштері, етті бағытындағы мал шаруашылығын дамытуға байланысты қабылданған бағдарлама аясында 2021 жылға арналған индикативтік жоспарлар, 2021 жылдың 11 айында кәсіпкерлік саласы бойынша мемлекеттік бағдарламалардың орындалуы секілді мәселелер қаралды.

Қабылдауда Әйтеке би кенті, Қазалы қаласы және ауылдық округтердің әкімдері жеке-жеке осы кезеңге дейін атқарылған жұмыстары мен алдағы жоспарлары жайлы бөлісті.

Аудан басшысы ауылдық елді мекендердің даму ерекшеліктеріне сәйкес басым бағыттарды айқындауды тапсырды. Сондай-ақ, салықтық түсімдерді арттырудың жолдарын қарастыру қажеттігін баса айтты.