Тұрғын мәселелері оң шешімін тапты

Бүгін «Nur Otan» партиясы Қазалы аудандық филиалының Қоғамдық қабылдау бөлмесінде аудандық мәслихат депутаты Орымбаев Арғын Қайырбайұлы бекітілген кестеге сәйкес аудан тұрғындарын жеке мәселелерімен қабылдады.
Қабылдауға келген аудан тұрғындары жұмыспен қамту, тұрғын үй және аудан мектептеріне учаскелік полиция инспекторларын қайта қою жөнінде ұсыныстарын жеткізді. Бірінші кезектегі ардагер Балтабай Ибраимовтың жұмыс мәселесі бойынша өтініші оң шешімін тауып, партия филиалына алғысын айтып, аудандық мәслихат депутаты Арғын Орымбаевқа ақ батасын берді. Екінші көп балалы ананың тұрғын үй мәселесі аясында, тиісті сала басшыларымен байланыса отырып, мәселені толық баяндап, шешілу жолдарын қарастыру керектігі тапсырылды. Аудан мектептеріне учаскелік полиция инспекторларын қайта қою жөнінде ұсынысын назарға алып, заңға сәйкес жұмыс атқаратындығын жеткізді.

"ҚАЗАЛЫ" Ақпарат