Қазақстанда 5G желісінің тестілеуі басталды
Байланыс операторлары Нұр-Cұлтан мен Алматы қалаларындағы белгілі аумақтарында 5G тестілеуін бастады. Бұл туралы Orda.kz хабарлайды.Цифрлық даму, инновациялар және аэроғарыш өнеркәсібі министрі Бағдат Мусин 5G тестілеуі басталғаны туралы Twitter парақшасында мәлімдеді.
«Байланыс операторлары Нұр-Сұлтан және Алматының кей жерлерінде 5G желісін тестен өткізіп жатыр. Біз 5G желісін сынақтан өткізу үшін жиілік диапазонын бөлген болатынбыз.
Алғашқы өлшемдер жақсы нәтиже көрсетуде» – делінген министр хабарламасында.
5G – сымсыз интернет жүйесінің бесінші толқыны. Ол – 2009 жылы пайда болған 4G-дің ізбасары. 5G ізашарынан 100 есе тез жұмыс істеп, жылдамдықты секундына 10 гигабайтқа дейін жеткізеді.
