«БҰҰ жанындағы халықаралық электр байланыс одағы Қазақстанға жаңа +997 дэф кодын белгіледі. Енді біздің елден басқа мемлекетке қоңырау шалғанда, шетелдіктердің телефонында Қазақстан деген жазу шығады», - деп жазды министр Facebook-тегі парақшасында. Бағдат Мусин бүгінде тиісті құжаттар рәсімделіп, жаңа кодқа көшу бойынша іс-шаралар атқарылып жатқанын атап өтті.

«Кезінде КСРО тарағанда, +7 халықаралық телефон коды 2 елге бірдей бекітілген. Біз Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс жүргізіп келеміз. Осы келіссөздердің нәтижесінде елімізге дербес +997 коды бекітілді», - деді ведомство басшысы.