Қазалы Qazaly.kz ақпараттық агенттігі
» » Президент радио қызметкерлерін кәсіби мерекеcімен құттықтады

Президент радио қызметкерлерін кәсіби мерекеcімен құттықтады

ҚР Президенті Қасым-Жомарт Тоқаев радио қызметкерлерін кәсіби мерекемен құттықтады, деп жазады egemen.kz
«Баршаңызды Қазақ радиосының ғасырлық мерейтойымен құттықтаймын! Бұл – бүкіл елімізге ортақ қуаныш.
Қазақ радиосының жылнамасы – халқымыздың жүз жылда жүріп өткен жолының айнасы. Радио алғаш құрылған күннен бастап ел мүддесіне қызмет етіп келеді. Қазір де тәуелсіздіктің қадір-қасиеті мен ұлттық құндылықтарды жастардың санасына сіңіруге сүбелі үлес қосуда.
Бірнеше буын ұрпақ үшін радио ақпараттың ғана емес, руханияттың да қайнар көзі болды. Халқымыздың біртуар перзенттерінің дауысы мен ән-күйлері қара шаңырақтың қазыналы қорында сақтаулы тұр. Бұл – біздің баға жетпес асыл мұрамыз.
Тәуелсіздігіміздің 30 жылдығына тұспа-тұс келген бүгінгі мерейтойдың орны бөлек. Биылдан бастап 1 қазан «Радио күні» болып бекітілді. Мұның өзі бұл саланың ақпарат айдынындағы рөлі ерекше екенін аңғартады.
Қазақ радиосы келешекте де мағыналы әрі мазмұнды хабарларымен ұлттың жадын жаңғыртып, мемлекеттігімізді нығайтуға атсалыса береді деп сенемін!
Баршаңызға зор денсаулық, бақ-береке, шығармашылық шабыт тілеймін!», деп жазылған құттықтауда.


01 қазан 2021 ж. 268 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031