BTS Digital IT компаниясы Сбербанктің серіктесі болды
BTS Digital IT-компаниясы мемлекеттік қызметтерді ресейлік платформаға көшіру туралы Қазақстан-Ресей келісімі бойынша Сбердің стратегиялық серіктесі болды. Бұл туралы Orda.kz хабарлады.Қазақстан мен СБЕР арасындағы меморандум мәтіні жарыққа шықты
Меморандумда «BTS Digital» ЖШС ERG еншілес кәсіпорнындағы Қазақстан Республикасы үкіметінің үлесі 40% екені айтылған.
BTS Digital 2018 жылы құрылған, ол цифрлық өнімдер мен қызметтер жасайды. Олар: Aitu байланыс және ойын-сауық платформасы, AituPay мобильді әмияны, DosMart сауда көмекшісі.
Компания ұраны: «Біз адамдардың өмірін жақсы жаққа өзгертетін цифрлық шешімдер жасаймыз».
BTS Digital бас директоры – Нұртай Әбілғалиев.
BTS Digital, Salem Social Media сияқты, Digital Ventures қорының портфолио компанияларының бірі.
Digital Ventures директоры Ғалымжан Ахметов Blue Screen-ге берген сұхбатында BTS Digital және Salem Social Media қорының ең қызықты инвестициялары екенін айтты.
Digital Ventures ERG-мен байланысты, оны үш олигарх – Александр Машкевич, Патох Шодиев және Алиджан Ибрагимов құрған.
