Аудан көлеміндегі жол құрылысының жұмысы көпке таныс. Ал жоспарланған уақытынан кешіккендері де жоқ емес. Соның ішінде Кәукей мен Бозкөл ауылдарының аралығындағы жолдың асфальттануы 2018 жылы басталған еді. Екі ауылдың арасындағы 30 шақырымдық жол 2020 жылы бітеді деп жоспарланған.

Кәукей ауылдық округінің әкімі Оңталап Мүсілім: «Жол құрылысы 3 жылға жоспарланған. Алайда өткен жылы оған бөлінген қаржы пандемияның өршуіне байланысты сол салаға аударылды. Биыл қайта қаржы бөлініп, ауыларалық жолдың қалған 18 шақырымын асфальтталу басталып кетті. Жөндеу жұмыстары жыл соңына дейін толық аяқталады», – дейді.

МПК «Тұран» мердігер компаниясының жұмысы тамыздың бірінен басталған. Жөндеу жүргізілетін жолдарға осы жылы қайта 774 миллион теңге бөлінген. Өткен жылдары қиыршық тас толықтай төселген он сегіз шақырым енді асфальттау жұмысын күтуде.