Жалпы бұл маңда бұрын екі білім ошағы болатын. Бірі - Жамбыл Жабаев атындағы мектеп болса, екіншісі - №170 білім ошағы болған.

Екінші мектеп кенттің “Аймақаш” аталатын бөлігіне қоныс тепкеннен кейін, бұл мәселе көптен тұрғындарға қиындық туғызып жүрген.

Биыл аталмыш аймаққа «Жұмыспен қамтудың Жол картасы» шеңберінде бұрынғы №170 мектептің орнына 250 орындық жаңа мектептің құрылысы басталады. Тендерден ұтқан мердігер мекеме де анықталыпты. Алдағы уақытта

№170 мектептің бұрынғы орнынан жаңа ғимаратты көретініміз сөзсіз.

Аудандағы білім саласындағы жағымды жаңалықтың соңы бұл емес.

Мұнымен қгса Б.Мергенбаев атындағы №226 мектеп-гимназия ғимаратына қосымша құрылыс ретінде спорт зал ғимараты салынуда. Аталмыш қосымша ғимаратта жақын арада оқушылардың игілігіне берілмекші.

“Жалпы 2020-2021 оқу жылында 75 мектеп бітіруші «Алтын белгі», 39 үміткер «Үздік аттестат» иегері атанды.

Ал, ең жоғары 130 баллды №165 орта мектеп оқушысы Тәжібай Айсана жинаған.

Мұнан бөлек көптеген мұғалімдеріміз бен аудан оқушылары облыс, республика деңгейінде топ жарып, жоғары жетістіктерге жетті.

Ауданның білім саласы, оның ахуалы мен шәкірттердің білімі, ұстаздардың білігі басты назарда тұруы тиіс”, - деді аудан әкімі.