Үлкендер ісі – өнеге
Аудан әкімі Мұхтар Оразбаев аптадағы алғашқы жұмыс күнін ардагерлерге сәлем беріп, бата алудан бастады.Әйтеке би кентіндегі «Ардагерлер үйінде» өткен кездесуде:
– Мына тіршілікте, жалпы қоғамда сіздердің алатын орындарыңыз ерекше. Сіздер қасиетті Қазалы ауданының дамуына, еліміздің егемендігі үшін айрықша еңбек сіңірдіңіздер. Сіздерді біздің алтын қазынамыз деп есептейміз. Сондықтан да ақыл-кеңестеріңіз, өмірлік тәжірибелеріңіз – кейінгі жастар үшін үлгі, – деген аудан басшысы аға буын өкілдеріне арнайы сәлем бере келгендігін айтты. Сонымен қатар ауызы дуалы ақсақалдардың ой-пікірлерін тыңдады.
Өз кезегінде Қазалы ауданының құрметті азаматы Сержан Берденұлы, еңбек ардагері Әнес Дидаров, аудандық ардагерлер кеңесінің төрағасы Оразғали Бекбанов үлкендерге үлкендерге көрсетілген құрметке алғыстарын айтып, ризашылықтарын білдірді. Мұнан соң жаңадан тағайындалған аудан әкімі Мұхтар Әуесұлының жұмысына сәттілік тілеп, бата берді.
Ардагерлер кеңесінің төрағасы Оразғали Бекбанов аудандық «Ардагерлер үйіне» Мұхтар Оразбаевқа ғимаратты таныстырып, ондағы қарияларға жасалған жағдаймен, болашақ жоспармен таныстырды.
«ҚАЗАЛЫ» ақпарат
