Қазалы Qazaly.kz ақпараттық агенттігі
» » Рәміздер – тәуелсіздік тұмары

Рәміздер – тәуелсіздік тұмары

Кеше Әйтеке би кентінде орналасқан алаңда 4 маусым – Қазақстан Республикасының Мемлекеттік рәміздер күніне арналған «Менің мақтанышым» атты салтанатты шара өтті.
Тәуелсіздік нышандары ұлықталған мерекелік жиын Р.Бағланова атындағы аудандық мәдениет орталығының дайындаған қойылымымен ашылды. Шараға қатысқан аудан әкімі Мұхтар Оразбаев:
– Әр елдің елдігін, әр мемлекеттің мемлекеттігін айқындайтын әрине оның шекарасы, астанасы, рәміздері екені анық. 4 маусым – Мемлекеттік Рәміздер күнімен баршаңызды шын жүректен құттықтаймын!, – деп жүрекжарды лебізін білдірді.
Шарада мемлекеттік қызметке алғаш қабылданған Қазалы ауданы әкімі аппаратының цифрлық технологиялар және мемлекеттік қызметтердің мониторингі бөлімінің бас маманы Аман Кеңесбаев және Мұратбаев ауылдық округі әкімі аппаратының бас маманы Рахметолла Әбен ант қабылдады.
Сонымен қатар мемлекеттік нышандардың мәртебесі асқақтаған күнде бірқатар сала қызметкерлері мерекелік Алғыс хаттпен марапатталды.
Тәуелсіздік пен мемлекет символына айналған Рәміздер алаңында мәдениет қызметкерлері патриоттық ән шырқап, шараның сәнін келтірді. Болашаққа бет түзеген ұлы көшімізді демеп, көк туымыздың байрағы байтақ дала мен аспан астында мәңгі желбірей берсін!

Бану ШӘЙКЕНОВА,
Әйтеке би кентінің баспасөз хатшысы
05 маусым 2021 ж. 680 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031