Қазалы Qazaly.kz ақпараттық агенттігі
» » Сырқат салғырттықты көтермейді

Сырқат салғырттықты көтермейді

Аудандағы эпидемиологиялық ахуал ушығып тұр. Жұқтырғандардың көрсеткіші сәт сайын көтерілмесе, төмендейтін түрі жоқ. Өңір қызыл аймаққа енді. Байқасаңыз, мұның барлығы вирусқа салғырттық танытқандықтан болып отырған жағдай. Ауруға атүсті қарап, асқындырып алдық. Індеттің таралуын тежеу үшін екпе егу қажеттігі де айтылған. Оның өзіне құлақ асқандар бірен-сараң.
Әлеуметтік желідегі берілген ақпараттарға сенсек, елдің жағдайы өткен жылғыдай емес. Яғни қаражат та, материалдық ресурс та, азық-түлік пен техника да жеткілікті екен. Бұл пандемиядан жүрегі шайлыққан халықтың күпті көңіліне сенімділік ұялатары анық. Бастысы жауапкершілікті сезіну қажет. Сақтық шараларын жасап, бас амандығын ойлаған жөн.
«Бірлік бар жерде – тірлік бар» демекші, ауыр күнді еңсеру, қиындықты артта қалдыру баршамызға берілген үлкен міндет. Сондықтан қиындықты бәріміз бір халық, бір қоғам болып жеңуіміз қажет. Ең бастысы сындарлы сәтте сабыр сақтап, тәртіпке бағынайық!

Арғын ОРЫМБАЕВ,
Қазалы пайдалану вагон депосының бастығы
24 сәуір 2021 ж. 1 666 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031