Ғалымдар тұжырымына құлақ түрейік
Соңғы уақытта әлемдегі эпидемиялық ахуал күрделеніп келеді. Еліміздің бірнеше өңірі қызыл аймаққа кіріп, Қызылорда облысы сары аймақ қатарына қосылды.Қазалы қаласындағы ахуал да мәз емес. Мұның бәрі көпшіліктің сақтық шараларына салқынқанды қарауының салдарынан. Бірінші кезекте той-томалақтың көбеюі, садақа-асқа көптеп адам шақырылуы ауру тарату көрсеткішін толықтыруда. Сондай-ақ тұрғындардың бетперде тақпауы да жағдайдың осыншама ушығып кетуіне әкеліп отыр.
Құрметті жерлестер, аудан тұрғындары! Індетті толық жеңгенше көпшілік жиындарға барудан бас тартсаңыздар екен. Өйткені бір сәттік қуанышты басқосу көптеген жақынымызды ауруға душар етуі мүмкін. Әлем ғалымдары мұны тоқтатудың жалғыз жолы екпе салдыру екенін айтып отыр. Сондықтан сақтыққа байыппен қарап, вакцина қабылдауға шақырамын. Елдің амандығы сынға түскен сәтте ортақ мүдде үшін аянып қалмайық.
Рахметолла ІЗТІЛЕУ,
Қазалы қаласының әкімі
