Мемлекеттік қызметкерлер екпе қабылдады
Бүгінгі таңда жұқпалы індеттің алдын алу үшін әлемнің барлық түкпірінде вакцинациялау жұмыстары қарқынды жүргізілуде. Бұл біздің елімізде де басталып, екпе егу кезең-кезеңімен жүргізілуде.Қазалы ауданы бойынша бірінші кезекте ерікті түрде медицина, білім саласы мен полиция қызмектерлеріне салынып жатыр.
Бүгін Е.Бозғұлов атындағы №249 мектеп-лицейде аудандық мәслихат хатшысы Бақытжан Жарылқап, аудан әкімінің орынбасарлары Күнтілес Назымбеков, Жалғас Сүйеубаев және аудандық ішкі саясат бөлімінің басшысы Дәурен Тілеумбетов коронавирус инфекциясына қарсы «Спутник V» вакцинасын салдырды. Дәрігерлер талап бойынша екпе қабылдаушылардың алдымен қан қысымын, дене қызуын өлшеп, келісімін алды.
Айта кетейік, вакцинациялау екі кезеңнен тұрады. Бүгін екпе қабылдағандар арада 21 күн өткен соң қайта вакцина салдыруы тиіс.
«ҚАЗАЛЫ» ақпарат
