Сақтансаң сақтайды
Былтыр басталған әлемдік коронавирус індеті бүгінде біздің ауданда да көрініс табуда. Соған сәйкес осы аурудың алдын алу үшін өңірімізде түрлі сақтық шаралары дер кезінде қолға алынып жатыр. Дегенмен індеттің алдын алу және болдырмау үшін бұл аздық етеді. Осы ретте бүкіл халық болып, оның ішінде аудан тұрғындары өздігінше сақтық шараларын қатаң ұстануы қажет.Дана халқымыз: «Алынбайтын қамал, жеңілмейтін жау жоқ», – дейді. Ауызбіршілікте болсақ мұны да еңсереміз. «Сақтансаң сақтайды» дегендей барлық уақытта сақтық шараларын қадағалап, көпшілік орындарға бармай, өзіміз бен жақындарымыздың денсаулығына немқұрайлы қарамауға шақырамын.
Ақиық ақын Ж. Молдағалиев айтқандай мың өліп, мың тірілген халық бұл індетті оңай жеңеді деп сенемін. Десек те мамандардың кеңесіне құлақ түріп, үнемі бетперде тағып жүрген артық болмас.
Орақ БАУБЕКОВ,
Қазалы ауданының Құрметті азаматы
