Бұл үйде ІІ топ мүгедегі Жарас Бақбергенов өзінің отбасымен тұрады. Өрттің салдарынан баспананың төбесі жанып кеткен. Сонымен қатар үй ішіндегі заттар да жанған. Оның ішінде Жарас Бақбергеновтің пайдаланып отырған аса қажетті бұйымдар да бар. Үй иелері Мұрат Ергешбаевқа бірінші кезекте Жарас Бақбергеновке қажетті заттар алып беру туралы өтініш айтты. Үйді қайта салуға көмек көрсетуді сұрады.

Өз кезегінде аудан әкімі Мұрат Ергешбаев ІІ топ мүгедегі Жарас Бақбергеновке қажетті заттармен қамтамасыз етуді аудандық әлеуметтік бағдарламалар, жұмыспен қамту және азаматтық хал актілерін тіркеу бөлімінің басшысы Совет Бабанаевқа тапсырды. Тілсіз жаудан зардап көрген отбасы отбасыны уақытша баспанамен қамтамасыз ету жағын қарастыруды да тапсырды.

Айта кетейік, бірер күн бұрын кешкілік Әйтеке би кенті, Қазыбек би көшесі №7А үйден өрт шығып, өрт сөндіру бөлімі қызметкерлерінің көмегімен дер кезінде сөндірілген болатын.