Санитарлық талаптарды сақтау – короновируспен күресте маңызды шарт. Себебі, ауданымызда күн санап коронавирус жұқтырғандардың қатары көбейіп барады.

Аудан әкімінің орынбасары Жалғас Сүйеубаев бастаған мониторингтік топ мүшелері аудандағы эпидахуалға байланысты талаптардың сақталуын қатаң бақылау мақсатында кенттегі білім беру нысандарын аралады.

Рейд барысында коронавирус инфекциясын таратудың және жұқтырудың қаупін болдырмаудағы барлық қажетті шаралардың орындалуына бақылау жасады.

Одан соң санитарлық-эпидемиологиялық талаптар мен шектеулердің орындалуы және короновирустан сақтану жөнінде қоғамдық көліктерде тұрғындарға түсіндірме жұмыстарын жүргізді.

Жаһанды дүрліктірген індет жойылмайынша, осындай бағыттағы жұмыстар жүйелі жалғасын таба бермек. Сондықтан қарапайым қағидаларды ұстана отырып, өзіңіз бен жақындарыңызды қауіпті індеттен қорғаңыздар демекпіз.