19 наурызда Қара теңіз аймағынан келетін циклон республиканың барлық аймақтарына әсер етеді, онымен бірге жауын-шашын, кей жерлерде нөсер жаңбыр және қалың қар жауады, жел күшейіп, найзағай ойнайды, солтүстік-батыста жаяу бұрқасын соғуы мүмкін. Тек еліміздің оңтүстік-шығысында және солтүстігінде жауын-шашынсыз ауа райы күтіледі.

Республиканың кей жерлерінде тұман түсіп, көктайғақ болуы ықтимал. Алматы, Қызылорда облыстарының кей жерлерінде тұман түсіп, жел күшейеді, жылдамдығы 15-20 м/с, екпіні 23-28 м/с жетеді. Жамбыл, Қарағанды, күндіз Шығыс Қазақстан, Түркістан облыстарының кей жерлерінде жел 15-20, екпіні 23-28 м/с дейін жетеді, күндіз Қарағанды облысының кей жерлерінде көктайғақ болады, Жамбыл облысының кей жерлерінде тұман түседі.

Ақтөбе облысының кей жерлерінде жаяу бұрқасын соғады, көктайғақ болады, желдің күші 15-20, түнде екпіні 23 м/с жетеді. Солтүстік Қазақстан, Атырау, Батыс Қазақстан облыстарының кей жерлерінде желдің күші 15-20 м/с жетіп, тұман түседі, Батыс Қазақстан облысының кей жерлерінде көктайғақ болуы мүмкін.

Маңғыстау, Ақмола, күндіз Павлодар облыстарының кей жерлерінде жел 15-20 м/с күшейеді.