Балабақшаға бала екі жаста барады
Білім және ғылым министрі Асхат Аймағамбетов балаларды балабақшаға екі жастан бастап қабылдауды ұсынды.Бұл мәселеге байланысты пікірін Нұр-Сұлтанда өткен Тамыз конференциясы барысында:
"Жаңа бағдарламаларға көшіп жатырмыз. Жас ерекшелігіне байланысты өзгерістер болады. Балаларды балабақшаға екі жастан бастап қабылдау маңызды", - деді министр.
Сондай-ақ, жұртты алаңдатқан балабақшалардың жұмысын тамызға дейін ұзартуға орай Ацмағамбетов:
"Бүгінде балабақшалар үш жастан алты жасқа дейінгі балаларды қабылдайды. Бірақ балалардың көбі 6 жасқа тола салысымен мектепке барып жатыр. Сондықтан балаларды екі жастан бастап балабақшаға қабылдау мәселесін көтеріп отырмыз. Сонымен қатар, балабақшаның жұмысын тамызға дейін ұзарту керек. Осыған байланысты арнайы бағдарлама әзірлеп жатырмыз", - деп жауап берді.
"ҚАЗАЛЫ" ақпарат
