Головкин - "Канело" қарымтасына арналған арнайы белбеу көрсетілді
Бүкіләлемдік бокс кеңесі (WBC) орта салмақта WBC, WBA (Super) және IBO чемпионы қазақстандық Геннадий Головкин (38-0-1, 34 КО) мен мексикалық Сауль "Канело" Альварес (49-1-2, 34 КО) арасындағы қарымта жекпе-жекке арналған арнайы белбеуді ресми түрде көпшілік алдында көрсетті.
Vesti.kz мәліметінше, белбеуді Мексиканың Чьяпас штатының халық шеберлері жасады, ал дизайнын таңдауға жанкүйерлер қатысты. Белбеу кеше, 23 тамызда көрсетілді.
Бұл шараға WBC президенті Маурисио Сулейман қатысты.
