Қазалы Қазалы аудандық қоғамдық-саяси газет
» » Шәкірттер шыққан шың

Шәкірттер шыққан шың

Ұлттық ойынымыз тоғызқұмалақ Қазалы ауданында 1986 жылы Басықара ауылындағы №182 мектепте қолға алынған болатын. 1988 жылы Қазақстан чемпионатына Нұрлан Айсауытов, Ләйлә Өтемұратова федерацияның шақыртуымен қатысып қайтқан-ды. Содан бері 30 жыл өтіпті. Бұл күндері ұлттық ойынымызды серік еткендер ауданымызда көптеп саналады. Сол отыз жыл ішінде облыстық, республикалық жарыстарда жүлде алған қазалылық тоғызқұмалақшылар шебер ойынымен сүйсіндіріп келеді.
Жақында Қырғызстан Республикасының Бішкек қаласында тоғызқұмалақтан Азия кубогы өтті. Сол аламан жарысқа бес мемлекеттен он үш команда қатысқан болатын. Қызылорда құрамасының сапында ойнаған тереңөзектік тоғызқұмалақшылар, халықаралық дәре­жедегі спорт шеберлері ағайынды Хәкімжан, Біржан Елеусіновтер, ҚР спорт шебері қазалылық Шыңғыс Ұзақ, ҚР спорт шеберлігіне кандидат Сәбит Шүленбаев командалық есепте бірінші орынды иеленіп, облыстағы ұлттық спорттың абыройын асқақтатты. Азия кубогы жеңімпаздары С.Шүленбев аудандық спорт мектебінің аға бапкері, ал Ш.Ұзақ №249 мектеп-лицейінде дене тәрбиесі пәнінен сабақ береді. Екі азаматтың дайындаған балғын шәкірттері де ауданда үнемі І-ІІ орындарды иемденіп жүр. Шәкірттеріме жарайсыңдар, жетістіктерің ұзағынан болсын деген тілегімді айтамын.
Мұхтар ЕРЖАНҰЛЫ,
тоғызқұмалақтан облыстық атаулы мектептің иегері.
15 маусым 2018 ж. 40 0

Жаңалықтар мұрағаты

«    Шілде 2018    »
ДсСсСрБсЖмСбЖс
 1
2345678
9101112131415
16171819202122
23242526272829
3031