Қазалы Qazaly.kz ақпараттық агенттігі
» » Дәулет Ниязбеков – үш дүркін Азия чемпионы атанды

Дәулет Ниязбеков – үш дүркін Азия чемпионы атанды

Бішкек қаласында (Қырғызстан) күрес түрлерінен өткен Азия чемпионатында жерлесіміз Дәулет Ниязбеков еркін күрестен алтын жүлдені иеленіп, еліміздің абыройын асқақтатты. Айта кетейік, бұл осы жарыстағы еркін күрес түрінен еліміздің қоржынына түскен алғашқы медаль. 65 келіде өнер көрсеткен Дәулет Ниязбеков жарыс барысында төрт кездесу өткізді.
Төрт кездесудің нәтижесі: Солтүстік Корея - 7:4, Қырғызстан - 6:3, Өзбекстан - 10:0, Жапония (финал) 11:0.
Қарсыластарын айқын басымдықпен жеңген білекті балуан осымен үшінші мәрте Азия чемпионы атанып отыр. 2015 жылы Доха, 2016 жылы Бангкокта өткен Азия чемпионатында алтын медальді иеленген.
Жаңақорған ауданының тумасы Дәулет еркін күрестен ҚР халықаралық дәрежедегі спорт шебері, ересектер арасында ҚР 6 дүркін чемпионы, Азия чемпионатының екі рет қола жүлдегері атанған, Әлем чемпионатының қола жүлдегері, Лондон Олимпиадасының қатысушысы.
Қызылорда облысының жоғары спорт шеберлігі мектебінде тәлім алатын балуанның бапкері ҚР еңбек сіңірген жаттықтырушысы Әбутәліп Аманов. Бапкердің айтуынша Дәулет енді мамыр айында өтетін Қазақстан чемпионатына қатысады.
05 наурыз 2018 ж. 1 874 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930