Қазалы Qazaly.kz ақпараттық агенттігі
» » Қазақстан құрамасы шахматтан Әлем чемпионатының жартылай финалына шықты

Қазақстан құрамасы шахматтан Әлем чемпионатының жартылай финалына шықты

Шахматтан Әлем чемпионатының жартылай финалында ел құрамасы Франциямен сынға түседі.
Қазақстан құрамасы Польшаның Быдгощ қаласында шахматтан әйелдер арасындағы ФИДЕ командалық әлем чемпионатының жартылай финалына шықты. Спортшыларымыз Германия құрамасын сенімді жеңіп, турнирдің шешуші кездесуіне бір қадам қалды. ФИДЕ баспасөз қызметі атап өткендей, бірінші текетірес 3:1 есебімен қазақстандық команданың пайдасына аяқталды. Ел құрамасы сапынан Бибісара Асаубаева, Алуа Нұрманова, Әмина Қайырбекова және Динара Вагнер жеңіске жетті.
Осылайша, қыздарымыз жартылай финалға шығып, Франциядан келген қарсыластарымен ойнайтын болды. Соңғы кезеңнің тағы бір матчында АҚШ пен Грузия құрамалары кездеседі.
Айта кетейік, 5-12 қыркүйек аралығында Польшаның Быдгощ қаласында 2023 жылғы әйелдер арасындағы тоғызыншы командалық ФИДЕ әлем чемпионаты өтуде. Чемпионатқа Қазақстан атынан Бибісара Асаубаева (ФИДЕ рейтингі 2439), Меруерт Камалиденова (ФИДЕ рейтингі 2162), Ксения Балабаева (ФИДЕ рейтингі 2111), Алуа Нұрманова (ФИДЕ рейтингі 2170), Әсел Серікбай (ФИДЕ рейтингі 2120) және Әмина Қайырбекова (ФИДЕ рейтингі 1985) жиналған мықты құрама шығып отыр. Делегацияны тәжірибелі бапкерлер – Павел Коцур мен Александр Моисеенко бастап барды.
Турнирге екі топқа бөлінген алты қатысушыдан тұратын 12 команда қатысуда. Қазақстан әйелдер құрамасы А пулында өнер көрсетуде. Онда Грузия, Үндістан, Франция, Украина және Мысыр командалары бар.
11 қыркүйек 2023 ж. 495 0

Қарғыс тиген қыз

13 шілде 2024 ж. 86

Қызы қылықты ел едік...

13 шілде 2024 ж. 70

Жиде жұпар шашқанда...

13 шілде 2024 ж. 86

Мәйітхана

13 шілде 2024 ж. 98

Бақыттың мәнін ұғынсақ

12 шілде 2024 ж. 98

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031