Қанат Ислам 23 маусымда кіммен жұдырықтасатыны белгілі болды

Қанат Ислам (25-0, 20 КО) 27 жастағы мексикалық Фернандо Каркамомен (23-8, 18 КО) жекпе-жекке шығады, деп хабарлайды sports.kz.

Бокс кеші Лос-Анджелестегі (АҚШ, Калифорния штаты) Belasco Theatre ойын-сауық кешенінде өтеді және ол он раундқа созылмақ.

Каркамо титулдық айқас өткізген: 2012 жылы ол америкалық кіші Фидель Мальдонадоны (24-4-1, 19 КО) нокаутпен жеңіп, WBC Silver жастар белбеуін жеңіп алды.

Фернандо Каркамо соңғы жекпе-жегін 2017 жылы 13 қазанда өткізді. Ол Эмилио Канисалесамен (6-6-1, 5 КО) жұдырықтасып үшінші раундта оны нокаутқа жіберді.