Балуандар олжалы оралды
Қазақстандық күрес шеберлері Александрия қаласында өткен күрес түрлерінен жақсы нәтиже көрсетті, деп хабарлайды.baq.kzМысырдың Александрия қаласында грек-рим күресінен 1928 жылғы Олимпия ойындарының чемпионы Ибраһим Мұстафаны еске алуға арналған XXXIV халықаралық турнир өтті. Спортшыларымыз рейтингтік турнирде жалпы 13 жүлде жеңіп алды. Бұған дейін отандастарымыз жарыстың бірінші күнінде 7 медаль еншілесе, одан кейінгі екі сайыс күнінде ел қоржынына тағы 6 медаль түсті.
Демеу Жадыраев 77 келі салмақ дәрежесінде сынға түсіп, финалда Айк Мнацаканяннан жеңіліп, күміспен күптелсе, 72 келі салмақтағы қола үшін таласта Данияр Қаленов қарсыласынан басым түсті. Еркін күрестен ел намысын қорғаған Рахат Қалжан мен Юсуп Батырмырзаев қоржынға қос қола медаль салды. Әйелдер күресінен Эльмира Сыздықова мен Марина Седнева жүлдегерлер қатарынан көрініп, қола медаль еншіледі.
