Қазақстандық спортшы джиу-джитсудан халықаралық турнирдің қола жүлдегері атанды
Қазақстандық Дана Төлеужан AJR TOUR International PRO – GI&NO-Gi турнирінде көк белбеу иегерлері арасында қола медаль жеңіп алды. Жарыс Германияның Гамбург қаласында өткен, деп хабарлайды stan.kz ақпарат агенттігі.Жарысқа 32 елден 430-дан аса спортшы қатысқан. 23 жастағы Дана үшін бұл Испаниядағы жеңісінен кейінгі екінші турнирі болды. Жартылай финалда спортшы даниялық қарсыласына төрешілер шешімімен есе жіберді. Ал үшінші орынға талас кезінде германиялық қарсыласын қылқындыру әдісімен жеңген.
"Мен жалғыз жалғыз бару туралы шешім қабылдадым. Ешқандай қолдау болмады, бірақ сонда да бел байламдым. Жаттығу барысы ретсіз өтті. Парижде күніне 2-3 реттен, шамамен 5 сағаттай жаттықтым", – дейді спортшы.
Қыздың айтуынша, жарыс үшін сабақтарын өткізіп алмауға тырысқан.
"Өкінішке орай, бұл да аздық етті. Ұзағырақ жаттығатын болсам, келесіде бұдан да жақсы нәтижеге жетемін деп ойлаймын", – деді Төлеужан.
2019 жылы Дана Төлеужан Абу-Дабиде өткен әлем чемпионатында ақ белбеу иегерлері арасында күміс медаль жеңген. Қазір ол Римде тұрып, білім алады.
