Қазақстандық боксшы АҚШ-та екінші жеңісіне қол жеткізді
Орта салмақтағы қазақстандық Темірлан Райымқұлов (4-1-2) АҚШ-та екінші жекпе-жегін өткізді, деп хабарлайды Stan.kz.
Жекпе-жек Филадельфияда (Пенсильвания) өтті. Қазақстандық спортшы Карим Глэднимен жұдырықтасты (0-5).
Жекпе-жек соңына дейін созылып, төрешілердің бірауыздан шешімімен қазақстандықтың жеңісімен аяқталды. Райымқұлов үшін бұл кәсіби мансабындағы төртінші жеңіс болса, Глэдни бесінші жеңіліске ұшырады.
10 қазанда Темірлан Райымқұлов кәсіпқой мансабындағы үшінші жеңісіне қол жеткізді. Ол сонымен қатар Филадельфияда өнер көрсетіп, американдық Джадон Эрвинмен шайқасты.
Жекпе-жек жоспарланған төрт раундтың барлығынан өтті. Төрешілердің бірауыздан шешімімен жеңіс қазақстандық спортшыға бұйырды (үш рет 39-37).
