Петр Ян жеңіл салмақтағы UFC уақытша чемпион белбеуін алды

Аралас стильдегі ресейлік файтер Петр Ян мен америкалық Кори Сэндхагеннің кездесуі Абу-Дабидегі UFC 267 турниріндегі кештің үздік жекпе-жегі деп танылды, - деп хабарлайды  RT. 
Жекпе-жек төрешілердің бірауыз шешімімен аяқталды. Олар жеңісті 49:46 есебімен Петрге берді. 28 жастағы ресейлік үшін бұл 16-жеңіс, сондай-ақ, ол екі рет жеңілген.
Бастапқыда бұл турнирде Ян Стерлингке қарсы шығуы керек еді, бірақ Ямайкада дүниеге келген америкалық спортшы денсаулығына байланысты жекпе-жектен шығып қалды.
Сендхагенге келер болсақ, ол карьерасында төртінші және қатарынан екінші рет жеңілді.