Футболшы доп соққысынан матч кезінде қайтыс болды
Хорватия чемпионатында «Марсония» мен «Славония» арасындағы матч кезінде Бруно Бобан есімді футболшы қайтыс болды, деп хабарлайды Вaq.kz ақпарат агенттігі lenta.ru басылымына сілтеме жасап.Оның кеудесіне доп тиген. Сол соққыдан футболшы қайтыс болды. Бұл туралы HRT Sport сайты жазады.
Матчтың он бесінші минутында Бобанның кеудесіне доп қатты тиді. «Марсония» ойыншысы құлады. Жан-жағына футболшылар жиналды. Клуб дәрігері бірден көмекке келді. Кейін жедел жәрдем бригадасы араласты. Бірақ 25 жастағы жартылай қорғаушыны құтқарып қала алмады.
Өлімнің нақты себебі әлі айтылған жоқ.
Бобан «Загреб» үшін ойнаған футболшы ретінде танымал. Сонымен қатар, «Славония» командасы үшін де ойнады.
