Спартакиада: Қазалы ауданы жалпыкомандалық есепте 2-ші орында
Бүгін Қызылорда қаласында өтіп жатқан облыстық VІІ «Ақ бидай» спартакиадасына өз мәресіне жетіп, жеңімпаз атанғандардың есімдері белгілі болды.Спорттың 9 түрі бойынша өнер көрсеткен Қазалы ауданының құрамасы 80 ұпай жинап, жалпыкомандалық есепте екінші орынға табан тіреді. Спартакиаданың соңғы күніне дейін көш бастаған ауданның құрамасы соңғы күні Жаңақорған ауданын алдыға шығарып алды. Үшінші орынға Сырдария ауданының спортшылары жайғасты.
Спартакиадада жерлестеріміз үстел теннисінен (ерлер мен қыздар), шағын футболдан (ерлер) алтын медальға ие болды.
Ал, тоғызқұмалақшылар күміс медальға қол жеткізсе, гір көтеру мен қол күресінен үшінші орынды місе тұтты.
Айта кетейік, әр спорт түрінен жеңімпаз атанған командалар қазан айында Ақтау қаласында өтетін республикалық «Ақ бидай» ауыл спорты ойындарының спартакиадасында облыс намысын қорғайтын болады.
"ҚАЗАЛЫ" ақпарат
